ग्रुप स्टेज संपल्यानंतर आजपासून सुपर-8 सुरू होत आहे. पहिला सामना यजमान अमेरिका आणि दक्षिण आफ्रिकेविरुद्ध भारतीय वेळेनुसार रात्री आठ वाजता नॉर्थ साऊंड येथील सेंट व्हिव्हियन रिचर्ड्स स्टेडियमवर होणार आहे. दोन्ही संघ प्रथमच आमनेसामने येणार आहेत. T20 विश्वचषक 2024 मधील हा 41 वा सामना आहे.
अमेरिकेने साखळी फेरीत चार सामन्यांत दोन विजय मिळवले आहेत.
दक्षिण आफ्रिकेचा संघ आतापर्यंत या स्पर्धेत अपराजित राहिला असून चारही सामन्यांमध्ये त्यांच्या गोलंदाजांनी चमकदार कामगिरी केली आहे.संघात क्विंटन डी कॉक, हेनरिक क्लासेन, ट्रिस्टन स्टब्स आणि डेव्हिड मिलरसारखे काही तुफानी फलंदाज आहेत, परंतु आतापर्यंत ते आपल्या बॅटने चमक दाखवण्यात अपयशी ठरले आहेत.
यजमान अमेरिकेच्या संघात आठ भारताचे खेळाडू, दोन पाकिस्तानचे खेळाडू, एक वेस्टइंडीझ , एक न्यूझीलंड, एक दक्षिण आफ्रिका आणि एक नेदरलँडचा खेळाडू असून संघाने सुपर आठ मध्ये स्थान पटकावले आहे. संघाने आक्रमक क्रिकेट खेळले आहे. भारताविरुद्धच्या सामन्यात खेळू न शकलेला आणि किरकोळ दुखापतीमुळे आयर्लंडविरुद्धही खेळू न शकलेला कर्णधार मोनांक पटेलच्या फिटनेसवर अमेरिकेची नजर असेल.साखळी फेरीत माजी चॅम्पियन पाकिस्तानला पराभूत केल्यानंतर अमेरिका आणखी एक अपसेट काढण्याचा प्रयत्न करेल. हे सोपे नसले तरी अमेरिकेचा संघ आव्हानासाठी सज्ज असेल.
दोन्ही संघांचे प्लेइंग 11 पुढीलप्रमाणे:
अमेरिका: मोनांक पटेल (कर्णधार), स्टीव्हन टेलर, अँड्रिज गॉस, ॲरॉन जोन्स, नितीश कुमार, कोरी अँडरसन, शॅडली व्हॅन शाल्क्विक, हरमीत सिंग, जसदीप सिंग, सौरभ नेत्रावलकर, अली खान.
दक्षिण आफ्रिका: क्विंटन डी कॉक (विकेटकीपर), रीझा हेंड्रिक्स, एडन मार्कराम (सी), ट्रिस्टन स्टब्स, डेव्हिड मिलर, हेनरिक क्लासेन, मार्को जॅनसेन, ओटनीएल बार्टमन, ॲनरिक नॉर्टजे, कागिसो रबाडा, तबरेझ शम्सी.
