राहुल द्रविड नंतर भारतीय संघाचे नवे मुख्य कोच होणार यावर अद्याप काहीही प्रतिक्रिया आलेली नाही.
अमेरिका आणि वेस्ट इंडिजमध्ये होणाऱ्या टी-20 विश्वचषकासाठी भारतीय संघ सध्या न्यूयॉर्कमध्ये आहे.
या जागतिक स्पर्धेनंतर विद्यमान संघ प्रमुख राहुल द्रविडचा कार्यकाळ संपत आहे आणि भारतीय क्रिकेट नियामक मंडळाने (BCCI) आधीच टीम इंडियाच्या मुख्य प्रशिक्षकपदासाठी अर्ज मागवले होते.
त्याची शेवटची तारीख 27 मे होती जी आता निघून गेली आहे. अंतिम मुदत संपूनही, भारतीय संघाच्या मुख्य प्रशिक्षकपदाच्या उमेदवाराबाबत सस्पेंस आहे, कारण याबाबत बोर्डाकडून अद्याप कोणतेही वक्तव्य आलेले नाही. मीडिया रिपोर्ट्सनुसार, भारतीय संघाचा माजी फलंदाज गौतम गंभीर प्रशिक्षकपदाच्या शर्यतीत आघाडीवर आहे.गौतम गंभीर हे मुख्य प्रशिक्षक पदाचे प्रमुख दावेदार मानले जात आहे.
गंभीर हा आयपीएल 2024 च्या हंगामातील विजयी संघ कोलकाता नाइट रायडर्सचा (KKR) मार्गदर्शक होता. मात्र, त्यांनीही याबाबत मौन बाळगले आहे. दोन्ही बाजूंनी याबाबत काहीही सांगितलेले नाही
अहवालात दावा केला जात आहे की गंभीरने त्याच्या जवळच्या लोकांना सांगितले आहे की तो या पदावर विचार करत आहे. कोलकाता संघाचा सहमालक शाहरुख खानला याची माहिती आहे. अद्याप दोन्ही बाजूंनी याला दुजोरा मिळाला नाही. पण गंभीरला मुख्य प्रशिक्षक बनवण्याचा करार झाला असून यावर अद्याप शिक्कामोर्तब होणे बाकी आहे.
या पदावरील प्रशिक्षकाचे कार्य असे असतील
या पदावर प्रशिक्षक पदावर असणाऱ्याचा कार्यकाळ साडेतीन वर्षाचा असेल, जो 1 जुलै 2024 ते 31 डिसेंबर 2027 पर्यंत असेल. तसेच त्यांच्याकडे 14-16 सदस्याचा स्टाफ असेल.
या प्रशिक्षक पदासाठीच्या अटी
प्रशिक्षकाने किमान 30 कसोटी सामने किंवा 50 एकदिवसीय सामने खेळलेले असावे. किमान 2 वर्षाच्या कालावधीसाठी पूर्ण सदस्य असलेल्या कसोटी खेळणाऱ्या देशाचे मुख्य प्रशिक्षक असले पाहिजे.
किंवा किमान 3 वर्षांच्या कालावधीसाठी असोसिएट सदस्य/आयपीएल संघ किंवा समकक्ष आंतरराष्ट्रीय लीग/प्रथम श्रेणी संघ/राष्ट्रीय अ संघाचे मुख्य प्रशिक्षक राहिले असावे.BCCI स्तर 3 प्रमाणपत्र समतुल्य, आणि वय 60 वर्षांपेक्षा कमी असावे.
