मित्रांसमोर मी पणा सोडून द्या. त्यांच्यापुढे मी किती हुषार आहे, हे सांगणेही सोडून द्या. सतत आपली बुद्धिमत्ता, पद वा आपले यश या विषयी बोलू नका. स्वतःला इतरांपेक्षा श्रेष्ठ दाखविण्याचा प्रयत्न करू नका. वाद घालू नकावाद घालण्याच्या स्वभावामुळे भांडणे होतात व त्यामुळे अर्थातच मैत्री तुटते. त्यामुळे भावनांवर नियंत्रण ठेवा. मित्राने सांगितलेली प्रत्येक बाब तर्काच्या कसोटीवर घासणे किंवा त्याच्यावर काहीतरी तिरकस कॉमेंट करणे सोडून द्या. सकारात्मक दृष्टिकोन ठेवा
सहज सांगितलेल्या गोष्टी किंवा गमती गमतीत एखाद्याची टोपी उडवल्यास ती गांभीर्याने घेऊ नये. एखाद्याने सांगितलेल्या गोष्टीचा चुकीचा अर्थ काढू नये. प्रत्येक बाबीवर टोकणे, चीडचीड करणे, इगोचा मुद्दा करणे यामुळे मैत्रीत दरी पडते.
स्वार्थ सोडा
मैत्री असते तिथे स्वार्थाला स्थान नसते. अनेक जण स्वार्थासाठीही मैत्री करतात. त्याला मैत्री म्हणता येणार नाही. मैत्री स्वार्थापलिकडे असते.
मैत्री टिकविण्याच्या टिप्स
मैत्रीमध्ये स्नेह, त्याग व समर्पण असायला हवे.
मदतीसाठी नेहमी तयार रहा
मित्राची मनस्थिती समजून घ्या. त्याच्याकडून अतिअपेक्षा ठेवू नका.
पैशांच्या देवाणघेवाणी सावधगिरी बाळगा.
योग्य सल्ला द्या. मित्रांना चुकीच्या सवयीपासून दूर ठेवण्याचा प्रयत्न करा.
प्रॅक्टिकल एप्रोचऐवजी इमोशनल एप्रोच बाळगा.
चांगले श्रोते व्हा. त्याचवेळी रहस्य पोटात ठेवायला शिका.
लक्षात ठेवा चांगला मित्र नेहमीच तुमच्या आयुष्यात चांगल्या किंवा वाईट दोन्ही प्रसंगात धावून येईल. म्हणूनच मित्र बनवा आणि त्यांच्याशी चांगले नाते निर्माण करा.