एल्नविक नावाच या नॉर्थबरलँडमधील बगिचात जाण्यापूर्वी आपल्याला मार्गदर्शकाची मदत घ्यावी लागते. कारण या उद्यानात अत्यंत विषारी झाडे आहेत. उद्यानाच्या प्रवेशद्वाराजवळच एका चिन्हाद्वारे पर्यटकांना इशारा देण्यात आला आहे. तसेच येथील रोपटे जीवघेणे ठरू शकतात, असेही सूचित करण्यात आले आहे. पौराणिक कथेनुसार इटलीतील पडुआ येथे असे एक विषारी उद्यान होते. शत्रूला मारण्यासाठी येथील विषारी वनस्पतींचा वापर केला जात असे. या कथेपासून प्रेरणा घेऊन नॉर्थबरलँडच्या राणीने 2005 मध्ये मादक आणि विषारी झाडांचे उद्यान विकसित केले होते. येथे फिरायला येण्यापूर्वी लोकांना विषारी झाडांविषयी सतर्क केले जाते. झाडांना हात लावू नये, अशा सूचनाही दिल्या जातात. उद्यानात भांग, खसखस, मॅजिक मशरूम आणि तंबाखूसारख अंमली पदार्थाची झाडे लावलेली आहेत. यातील काही वनस्पतींना केवळ स्पर्श करताच एखाद्या व्यक्तीला ताप येतो किंवा त्याचा मृत्यूही होऊ शकतो. त्यामुळे दररोज संध्याकाळी उद्यान बंद केले जाते. तसेच त्यावर 24 तास कडक पहारा असतो.
