इन्स्टिट्यूट ऑफ बँकिंग पर्सोनल सिलेक्शन (IBPS) ने लिपिक भरती 2021 मध्ये पदांची संख्या वाढवली आहे. आता रिक्त जागा आता 7858 करण्यात आली आहे. यापूर्वी लिपिक पदांची संख्या 7800 होती. IBPS ने 58 पदे वाढवली आहेत. या पदांसाठी अर्ज करण्याची अंतिम तारीख 27 ऑक्टोबर 2021 आहे.
कोण अर्ज करू शकतो
ज्या उमेदवारांनी कोणत्याही मान्यताप्राप्त संस्थेतून पदवी प्राप्त केली आहे आणि त्यांची वयोमर्यादा किमान 20 वर्षे आणि कमाल 28 वर्षे आहे, ते लिपिक पदासाठी अर्ज करण्यास पात्र आहेत.
अधिकृत अधिसूचनेनुसार, 11 बँका परीक्षेत सहभागी होतील. या बँका आहेत- बँक ऑफ बडोदा, कॅनरा बँक, इंडियन ओव्हरसीज बँक, यूको बँक, बँक ऑफ इंडिया, सेंट्रल बँक ऑफ इंडिया, पंजाब नॅशनल बँक, युनियन बँक ऑफ इंडिया, बँक ऑफ महाराष्ट्र, इंडियन बँक आणि पंजाब आणि सिंध बँक.
