या युगातील लूक आणण्यासाठी मेकअप आर्टिस्ट व स्टायलिस्ट यांनी काही प्रयोग करून पाहिलेत. यात छोटे छोटे कुरळे केस चेहर्यावर सजविले गेले. चेहर्यानुसार लिपस्टिक व ओठ जाड दिसण्यासाठी क्रिमी लिपस्टिकचा वापर केला. वरच्या ओठासाठी लिक्विड जेल लायनरचा वापर केला. आयब्रो थोडी जाड व नैसर्गिक दिसेल अशीच ठेवली. त्याचप्रमाणे भुवयांना मस्कारा लावला. याशिवाय मोठ्या खड्यांची अंगठी, पूर्वीसारखे गाऊन, हेअर बॅन्ड, पर्स, सँडल आदींनी मॉडेलला सजविले.
हा महिलांसाठी परिपूर्ण असा मेकअप असल्याचे मेकअप करणाऱ्यांचे म्हणणे आहे. प्रत्येक युगातील सौंदर्य आपल्या काळातील महत्त्व राखते. आम्ही महिलांचा प्रत्येक गुण, आंतरिक शक्ति, त्यांची प्रेम करण्याची भावना व महत्त्वाचे म्हणजे त्यांचे स्त्रीत्व दर्शवू इच्छितो, असे हे सौंदर्य तज्ज्ञ म्हणतात. आता सौंदर्य खुलविण्यासाठी विविध पर्याय आहेत. केस कुरळे करण्यासाठी हेअर जेल उपलब्ध आहेत. आय लायनर, आय शॅडो, लिपस्टिक, मस्काराच्या विविध रंगातील शेड उपलब्ध आहेत. यामुळे हे काम थोडे सोपे झाले.
ज्याप्रमाणे रिमिक्सच्या युगातही लता-रफी, आशा-किशोर यांची गीते रसिकांच्या हृदयावर आजही राज्य करीत आहेत. त्याचप्रमाणे मधुबालाच्या मोहक हास्याचे पोस्टर संगणकाच्या स्क्रिनवर आणि वॉलपेपरवर पहायला मिळते.ही त्या सौंदर्याला दिलेली दाद म्हणावी लागेल.