जाणून घ्या ‘आहळीवा’चे उपयोग

आळीव किंवा आहळीव असे याला म्हणतात. याचे अनेक औषधी उपयोग आहेत. 

उचकी लागली असता – सतत सारखी उचकी लागली असता आळीव उचकी ताबडतोब थांबविते. 20 ग्रॅम आळीव जे तांबडसर बारीक बियासारखे असते ते पाव लिटर पाण्यात भिजत घालावे व ते पाणी चांगले दाट झाल्यावर, उचकी लागलेल्या माणसास वरचेवर पिण्यास द्यावे. याने उचकी थांबते.

लघवी साफ होण्यासाठी –

आळीव भिजवलेले चांगले दाट पाणी प्यायल्याने लघवीस साफ होते.

बाळंतीणीला चांगले दूध यावे म्हणून बाळंतिणी स्त्रीस दूध सुटण्यासाठी आहाळीवाची खीर देतात

शक्‍तीवर्धक –

शक्‍ती येण्यासाठी आळीवाची खीर बाळंतीणीला तसेच लहान मुलांना तसेच अशक्‍त माणसांना द्यावी.त्यामुळे शक्‍ती वाढते. ही खीर करण्याची विशिष्ट पद्धत आहे ती अशी, पाव लिटर दूध व पाव लिटर नारळाचे दूध घेऊन मंदाग्नीवर उकळत ठेवावे. उकळी फुटली म्हणजे त्यात 30 ग्रॅम भिजवलेले आळीव घालून व तितकाच आयुर्वेदिक गूळ घालून चांगले दाट होईपर्यंत मिश्रण ढवळावे. दाट झाल्यावर उतरवावे. थंड झाल्यावर ही खीर द्यावी.पुष्टतेसाठी म्हणजे शक्ती येण्यासाठी आळीवाचे लाडू करून खातात.

वातहारक –

वाताने कंबर दुखत असल्यास आळीवाची खीर खाल्ल्याने फायदा होतो.

स्त्रियांच्या मासिक पाळीच्या तक्रारीवर –

आळीवाची खीर किंवा लाडू अत्यंत उपयुक्‍त आहे. जे हार्मोनल समतोल राखण्यास मदत करतात.

अशाप्रकारे आळीव हे अत्यंत उपयुक्‍त आहे.