प्रत्येकजण आपले नाते मजबूत करण्यासाठी प्रयत्नशील असतो.परंतु कधीकधी असे घडते की आपण आपले संबंध मजबूत करण्याचा प्रयत्न करताना काही नकळत अशा चुका करतो, ज्यामुळे संबंध कमकुवत होत जातात जोडीदाराच्या मनात आपल्यासाठी राग निर्माण होतो आणि आपल्या नात्यात दुरावा येऊ लागतो.अशा परिस्थितीत सुरुवातीपासूनच काही गोष्टी टाळल्या पाहिजेत.चला तर मग जाणून घेउ या काय आहे त्या गोष्टी.
1 रोमँटिक व्हा ,प्रेम व्यक्त करा - बऱ्याच काळ एकत्र राहिल्याने पूर्वी सारख्या गोष्टी घडत नाही परंतु याचा अर्थ असा नाही की आपल्या जोडीदाराला प्रेमच नकोसे झाले आहे. कालांतराने, आपण रोमँटिक देखील व्हावे आणि आपल्या जोडीदारासह आपले प्रेम व्यक्त करावे.जेणे करून दुरावलेल्या नात्यातील अंतर कमी होईल.
2 दुसऱ्यांशी तुलना करू नका-प्रत्येक व्यक्तीचे स्वतःचे वैशिष्टय असते. अशा परिस्थितीत आपण आपल्या प्रेमाची तुलना दुसऱ्यांशी करू नका. एक चांगला जोडीदार मिळण्यासाठी स्वतःला भाग्यवान समजा. प्रत्येक माणसामध्ये चांगले आणि वाईट गुण असतात, परंतु नातेसंबंध जपताना, आपण एकत्र राहू इच्छिता हे महत्त्वाचे आहे. दुसऱ्यांशी तुलना केल्यामुळे आपल्या जोडीदाराच्या मनात एक हीनता निर्माण होऊ शकते.त्यामुळे नात्यात दुरावा येऊ शकतो.
3 जोडीदाराच्या लुक्सवर कॉमेंट करा -जेव्हा आपण प्रेमात पडता, तेव्हा आपल्याला आपला जोडीदार सर्वात सुंदर वाटतो ,परंतु कधीकधी आपण आपल्या जोडीदाराची कळत नकळत दुसऱ्याची तुलना करून टिंगल करतो त्यांच्यावर कंमेंट्स करतो,असं करू नका. असं केल्याने जोडीदाराच्या भावना दुखवू शकतात आणि त्याला आपला राग येऊ शकतो.या मुळे नात्यात पोकळी निर्माण होऊ शकते .
