सेटल्ट ऑम्लेट

MHNEWS

साहित्य:- चार अंडी, चार ते सहा मोठे कांदे, तेल तीन चार चमचे, लाल तिखट दीड चमचा, गरम मसाला, अर्धी वाटी कोथिंबीर, एक चमचा मोहरी, हळद, हिंग व मीठ चवीप्रमाणे.

कृती :- प्रथम कांदे बारीक चिरून घ्यावेत. पसरट भांड्यात तेल गरम करावे. त्यात मोहरी, हिंग घालून फोडणी करून घ्यावी. त्यावर चिरलेला कांदा घालून झाकण ठेवावे व कांदा वाफेवर चांगला शिजवून घ्यावा. कांदा चांगला शिजला की त्यात हळद, मीठ, लाल तिखट, गरम मसाला घालून तेल सूटेपर्यंत परतावे. त्यात थोडी कोथिंबीर घालून मिश्रण एकजीव करावे. त्यावर एक एक अंडे फोडून टाकावे. पण ती ढवळू नयेत. मंद आचेवर पाच मिनीटे शिजल्यावर त्यावर उरलेली कोथिंबीर घालून गरम गरम भाकरी किंवा पोळीबरोबर सर्व्ह करावे.

स्त्रोत : महान्यूज