Select Your Language

Notifications

webdunia
webdunia
webdunia
webdunia

विलक्षण श्रीमंत मराठी भाषा......

marathi sahitya sammelan
, शुक्रवार, 27 मे 2022 (09:01 IST)
रस्ता - मार्ग
* जो कसाही जाऊ शकतो तो रस्ता.
* जो ध्येयाकडे नेतो तो मार्ग.
 
खरं - सत्य
*  बोलणं खरं असतं.
* सत्याला  सोबत पुरावा जोडावा लागतो.
 
घसरडं - निसरडं
* पडून झालं की घसरडं.
* सावरता येतं ते निसरडं.
 
अंधार - काळोख
* विद्युत पुरवठा खंडीत झाला की होतो तो अंधार.
* निसर्गात जाणवतो तो काळोख.
 
पडणं - धडपडणं
* पडणं हे अनिवार्य.
* धडपडणं हे कदाचित सावरणं.
 
पाहणं - बघणं
* आपण स्वत:हून पाहतो.
* दुसऱ्यानं सांगितल्यावर होतं ते बघणं.
 
पळणं - धावणं
* पाकीटमार काम झाल्यावर जे करतो ते पळणं.
* ट्रेन पकडतांना आपण जे करतो ते धावणं.
 
झाडं - वृक्ष
* जे माणसांकडून लावलं जातं ते झाड.
* जो आधीपासूनच  असतो तो वृक्ष.
 
खेळणं - बागडणं
* जे नियमानं बांधलेलं असतं ते खेळणं.
* जे मुक्त असतं ते बागडणं.
 
ढग - मेघ
* जे वाऱ्याने ढकलले जातात ते ढग.
* जे नक्की बरसतात ते मेघ.
 
रिकामा - मोकळा
 * वेळ जो दुसऱ्याकडे असतो तो रिकामा. 
* आपल्याकडे असतो तो मोकळा वेळ.
 
निवांत - शांत
*कष्ट केल्यानंतर मिळतो तो निवांतपणा.
* काहीच न करता बसून मिळतो तो शांतपणा.
 
आवाज - नाद
* जो आपल्या चालण्यानं होतो तो आवाज.
* जो घ॔टेचा होतो तो नाद.
 
झोका - हिंदोळा
* जो आपला नंबर बागेत कधी लागेल याची वाट पाहायला लावतो तो झोका. 
* जो मुक्तपणे झाडांमधून खेळता येतो तो हिंदोळा.
 
स्मित- हसणं
* मनात एखादी गोड आठवण आली की जे दिसतं ते स्मित.
* जे लोकां समोर दाखवावं लागतं ते हसणं.
 
अतिथी - पाहुणा
* जो यावा यावा असा वाटतो तो अतिथी.
* जो आला की कधी जाईल असं मनात येतं तो पाहुणा.
 
घोटाळा - भानगड
* जो अचानक नकळत होतो तो घोटाळा.
* जी नियोजनबद्ध पद्धतीने होते ती भानगड.
 
आभाळ- आकाश 
* भरून येतं ते आभाळ.
* निरभ्र असत ते आकाश.

Share this Story:

Follow Webdunia marathi

पुढील लेख

High BP ब्लड प्रेशर कंट्रोल करण्यासाठी Beetroot