उकीरडा झालाय पार आयुष्याचा
त्यावर डुकरासारखे लोळणारे तुम्ही
वेळप्रसंगी कुणाचीही निष्ठा खाण्यास
तयार असलेले लुब्रे तुम्ही
उकीरडा उखडलेला खपणार नाही तुम्हाला
स्वत: सतरा गड्डे कराल
तेथे ओंगळवाणी पोरं जनवाल
रंध्रच बंद झालीय
तुमच्या हृदयाची
स्वार्थी इंद्रियेत फक्त ठळक
दिसतील तुमची
बाकी सारीच थिजलेली
गिळगिळीत थंड्या प्रेती
स्पर्शासारखी
तुमच्या कवेतील अहेव उब
जगवत बसा असेच
सांख्यिक उकीरडे असंख्य
आणि अनेक उकीरडे
तयार करा अविरत
