माझ्याकडे आहे एक आरसा-रोज त्याला मी विचारते, सांग आरशा मी दिसते कशी? ।।1।। आरसा म्हणतो - ''
निरागस गोरी गोबरी - बाळसेदार कानी कुंडल मोतीहार - वाटते जशी बार्बी डॉल'' ।।2।। सांग आरशा मी दिसते कशी? आरसा म्हणतो - नजर बावरी - भिरभिरी - चेहऱ्यावर रोज नवी पुटकुळी, कोणाचा विचार करते गं? अशी कशाला लाजते गं? ।।3।।
सांग आरशा मी दिसेन कशी? आरसा म्हणतो -
''नजर लाजरी गाली लाली - मागे पुढे आरशामध्ये
मुरडून पाहते - कोणाची गं वाट पाहते. '' ।।4।।
सांग आरशा मी दिसेन कशी? आरसा म्हणतो -
''गळ्यात काळी पोत, तुझ्या भांगामध्ये सिंदूर साजे
तुझ्या मागे आरशामध्ये - कोण रोज दिसते गं? '' ।।5।।
सांग आरशा मी दिसते कशी? आरसा म्हणतो -
''कडेवरची छोटी बाळी - गोली गोबरी बाळसेदार
वीसच वर्ष झाली गं-तुलाच पुन: : पाहतो का? '' ।।6।।
पण आजकाल मीच म्हणते -
''आरशा - आरशा - थांब जरा -
माझ्या बळीला मी न्हाऊ घालते दूध देते
माझ्या बाळीचा ला अंगाई गाते
सांगू नको रे - मी दिसते कशी
ऐकण्यापुरताही वेळ नाही
आरशा - आरशा थांब जरा।। 7।।
साभार : महाराष्ट्र साहित्य सभा, इंदूर यांच्या मालविका स्मरणिकेतून
