Akshaya Tritiya festival Special अक्षय तृतीयेला अश्या प्रकारे बनवा 'परफेक्ट' शाही आम्रस

अक्षय तृतीयेचा सण आणि आम्रस हे समीकरण म्हणजे जिभेवर रेंगाळणारी गोड चव! पण आम्रस केवळ आंबा वाटून तयार होत नाही, तर तो 'परफेक्ट' होण्यासाठी काही खास टिप्स पाळाव्या लागतात. तसेच या अक्षय तृतीयेला अशा प्रकारे आम्रस बनवा, जो अजिबात काळा पडणार नाही.

अक्षय तृतीया स्पेशल: शाही आम्रस रेसिपी

योग्य आंब्याची निवड

आम्रसासाठी शक्यतो हापूस किंवा पायरी आंब्याचा वापर करा. हापूसमुळे छान रंग आणि गोडवा येतो, तर पायरीमुळे रसाला उत्तम पोत आणि स्वाद मिळतो. दोन्ही आंबे समप्रमाणात घेतल्यास आम्रस अतिशय चविष्ट लागतो.

साहित्य-

पिकलेले आंबे: ५-६ नग

पिठीसाखर: २-३ चमचे (आंब्याच्या गोडव्यानुसार)

दूध: अर्धी वाटी (ऐच्छिक - दाटपणा कमी करण्यासाठी)

सुंठ पावडर: १/२ चमचा (पचनासाठी अत्यंत महत्त्वाची)

वेलची पूड: १/२ चमचा

केशर: ५-६ काड्या (दुधात भिजवलेल्या)

मीठ: फक्त एक चिमूट (चव संतुलित करण्यासाठी)

साजूक तूप: वरून वाढण्यासाठी

कृती- 

आंबे धुवून मऊ करणे: आंबे पाण्यात १५-२० मिनिटे भिजत ठेवा. त्यानंतर हाताने आंबे सर्व बाजूंनी हलक्या हाताने दाबा जेणेकरून रस काढणे सोपे होईल.

रस काढणे: आंब्याचे देठ काढून हातानेच रस एका मोठ्या भांड्यात पिळून घ्या. कोयीला लागलेला रसही व्यवस्थित काढून घ्या.

मिश्रण एकजीव करणे: आता या रसात पिठीसाखर, वेलची पूड, सुंठ पावडर आणि चिमूटभर मीठ टाका.

ब्लेन्डिंग: आम्रस स्मूद हवा असेल तर तुम्ही मिक्सर किंवा हँड ब्लेंडर वापरू शकता. पण लक्षात ठेवा, मिक्सर खूप जास्त वेळ फिरवू नका, अन्यथा रसाचा रंग बदलू शकतो.

रॉयल टच: शेवटी भिजवलेले केशर मिश्रित दूध त्यात मिक्स करा. यामुळे आम्रसाला एक राजेशाही पिवळा धमक रंग आणि सुगंध येतो.

आम्रस काळा पडू नये म्हणून काय करावे?

थंडावा: आम्रस तयार झाल्यावर लगेच स्टीलच्या किंवा काचेच्या भांड्यात काढून फ्रिजमध्ये थंड करायला ठेवा. उघड्यावर हवेच्या संपर्कात राहिल्याने तो काळपट पडतो.

वाढण्याची पद्धत-

वाटीत आम्रस घेतल्यावर त्यावर एक छोटा चमचा साजूक तूप सोडा. आम्रस आणि तुपाचे मिश्रण चवीला अप्रतिम लागते आणि आंबा बाधत नाही.

आम्रसासोबत गरमागरम, फुगलेली गव्हाची पुरी आणि बटाट्याची सुकी भाजी असा बेत करा. जेवणाची रंगत द्विगुणित होईल!

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik