साहित्य : मैदा 3 कप, बेकिंग पावडर 4 सपाट चमचे, तूप किंवा लोणी 1 वाटी, साखर 300 ग्रॅम, 4 अंडी, 1 कप दूध, व्हॅनिला इसेन्स 1 चमचा. अननसाच्या चकत्यांचा डबा, काजू, चेरी किंवा खजूर.
कृती : अननसाच्या चकत्या फडक्यावर दोन तास पसरून सुकत ठेवाव्यात. केकच्या भांड्याला नेहमीप्रमाणे सर्व बाजूंनी डालडा व मैदा लावतो, तसे न करता फक्त बाजूंनीच डालडा व मैदा लावावा. खाली फक्त डालडाच लावावा. नंतर अननसाच्या चकत्या भांड्याच्या तळावर एकमेकांना लागून बसवाव्यात. चकत्यांच्या मधील भोकांत चेरी किंवा खजूर यांपैकी कहीही भरावे व चकत्या सोड़न तो मोकळा भाग राहतो, त्यात काजूचे तुकडे भरावे. नंतर फाउंडेशन केकप्रमाणे मिश्रण तयार करून ते त्या चकत्यांवर ओतावे व ओव्हनमध्ये ठेवून केक भाजून घ्यावा.
भांड्यातून केके काढून घेऊन डिशमध्ये ठेवताना खालची बाजू (म्हणजे अननसाच्या चकत्या असलेली) वर करून ठेवावी. अननसाच्या चकत्या व फळे यांच्यामुळे त्या बाजूवर चांगले डिझाइन दिसेल.
