साहित्य : 1 वाटी चण्याचे पीठ, दीड वाटी दळलेली साखर, 5-6 वेलदोडे, रवा व मैदा प्रत्येकी पाऊण वाटी, पाव वाटी तेल, चवीपुरते मीठ, तांदळाची पिठी, पाव वाटी तूप.
कृती : तुपावर चण्याचे पीठ चांगले तांबूस रंगावर भाजून घ्यावे. नंतर त्यात साखर व वेलदोड्यांची पूड घालून, मळून, गोळा करावा. त्यात जायफळाची पूड करून घालावी. तेल व मीठ घालून रवा व मैदा चांगला घट्ट मिजवावा व नंतर गोळा चांगला कुटून, मऊ करून घ्यावा. पोळीकरिता कणकेच्या दोन गोळ्या कराव्या व त्यांपैकी एका गोळीपेक्षा थोडी मोठी बेसनाची गोळी करावी. कणकेच्या दोन गोळ्यांमध्ये बेसनाची गोळी ठेवून पातळ पोळ्या लाटाव्या व भाजाव्या.
