साहित्य : गव्हाचा रवा 4 वाट्या, चांगला पिवळा गूळ 6 वाट्या, 4 वाट्या कणीक, 10-15 वेलदोडे, अर्धी वाटी तेल, 2 वाट्या पिठी, 1/2 चमचा मीठ, 1/2 अर्धी वाटी तूप.
कृती : अर्धी वाटी तूप घालून रवा चांगला भाजून घ्यावा. सहा वाट्या पाण्यात गूळ घालून गरम करावयास ठेवावे. गूळ विरघळून उकळी फुटल्यावर त्यात रवा घालून नेहमीप्रमाणे शिरा करावा. चवीस मीठ टाकावे. वेलदोड्याची पूड घालावी. कणकेत मीठ घालून कणीक घट्ट भिजवावी. पुरणाच्या पोळीप्रमाणेच पाणी लावून कणीक खूप मळावी, परंतु त्या कणकेपेक्षा थोडी घट्ट ठेवावी. एका भांड्यात तेल घालून त्यात ही कणीक ठेवावी. संज्याची पोळी भाजावयास जरा वेळ लागतो, म्हणून भाजाताना खाली व वर तेलाचा हात लावावा, म्हणजे पोळी लवकर भाजली जाते.
