साहित्य : 1 वाटी बासमती तांदूळ, 1 वाटी आंब्याचा गर, दीड वाटी साखर, 2 चमचे तूप, 4-5 लवंगा, वेलची पूड, काजू-बेदाणे.
कृती : सर्वप्रथम तूप गरम करून त्यात लवंगा, काजू व बेदाणे तळून वेगळे ठेवावे. त्याच तुपात तांदूळ भाजून त्यात 3 वाटी पाणी टाकून मोकळा भात तयार करावा. दुसऱ्या भांड्यात 1 वाटी पाणी घेऊन त्यात साखर व आंब्याचा गर मिसळावा. तयार भातात हे मिश्रण ओतावे. 10 मिनिट कमी आचेवर झाकण ठेवून शिजू द्यावे. वरून वेलची पूड, लवंगा, काजू व बेदाणे घालून गरम गरम सर्व्ह करावे.
