साहित्य - 2 कप चिरलेला कांदा, 4 चमचे टोमॅटो प्युरी, 1/2 कप दुधाची साय, 1 चमचा चिरलेली हिरवी मिरची, चिमूटभर हिंग, 1/2 चमचा हळद, 1 लहान चमचा जिरं, 1 लहान चमचा धणेपूड, 1 मोठी वेलची, 1/2 लहान चमचा कसूरी मेथीची पूड, चवीनुसार मीठ, 2 लहान चमचे तेल.
कृती : सर्वप्रथम कढईत तेल गरम करा, त्यात जिरं, हिंग व मोठी वेलचीचे तुकडे घालून थोडे परतून घ्या. हळद, धणे पूड आणि कांदा घालून सोनेरी होईपर्यंत परतून घ्या. टोमॅटोची प्युरी आणि मीठ घालून 2 मिनिटापर्यंत कमी आचवर शिजवा.
साय घालून 4-5 मिनिटापर्यंत हळू आचीवर शिजू द्या.
गॅस बंद करून वरून कसूरी मेथीची पूड घालून गरम गरम भाजी पराठे किंवा पोळीसोबत सर्व्ह करा.
