Chapati Noodles रात्रीची चपाती उरलीये? फेकून न देता ५ मिनिटांत बनवा चटपटीत 'चपाती नूडल्स'

उरलेल्या किंवा शिळ्या चपात्यांचा वापर करून 'चपाती नूडल्स' (Chapati Noodles) ही एक अतिशय चवदार, पौष्टिक आणि झटपट बनणारी इंडो-चायनीज रेसिपी आहे.

चपाती नूडल्स बनवण्याची सोपी पद्धत

साहित्य: ३ ते ४ उरलेल्या चपात्या

१ उभा चिरलेला कांदा आणि १/२ कप कोबी

१ उभी पातळ चिरलेली सिमला मिरची आणि १ गाजर

१ चमचा सोया सॉस आणि १/२ चमचा व्हिनेगर

१ चमचा टोमॅटो सॉस आणि चिली सॉस (आवडीनुसार)

१/२ चमचा काळी मिरी पावडर

१ चमचा आले-लसूण पेस्ट किंवा बारीक चिरलेला लसूण

चवीनुसार मीठ आणि २-३ चमचे तेल

कृती:

१. चपाती कट करणे: सर्व चपात्या एकावर एक ठेवून रोल करा. आता सुरीने किंवा कात्रीच्या साहाय्याने त्यांचे बारीक नूडल्ससारखे लांब-लांब काप करून घ्या

२. भाज्या परतणे: एका कढईत तेल गरम करून त्यात लसूण आणि कांदा परता. त्यानंतर गाजर, सिमला मिरची आणि कोबी घालून २ मिनिटे हाय फ्लेमवर (मोठ्या आचेवर) फ्राय करा

३. सॉस आणि चपाती मिक्स करणे: भाज्यांमध्ये सोया सॉस, चिली सॉस, टोमॅटो सॉस, व्हिनेगर, मीठ आणि काळी मिरी पावडर घाला

४. आता त्यात कापलेले चपातीचे नूडल्स टाका आणि सर्व मिश्रण चांगले हलवून घ्या. १-२ मिनिटांसाठी परतून गॅस बंद करा. चपाती नूडल्स तयार आहेत