महाराष्ट्रीयन पद्धतीचे झणझणीत मसालेदार वांग्याचे भरीत; दुपारच्या जेवणासाठी अगदी उत्तम बेत

भारतीय घरांमध्ये वांग्याचे भरीत बनवले जाते. तसेच प्रत्येकाची भरीत बनवण्याची पद्धत वेगवेगळी असते पण आज आपण अगदी सोपी पद्धत पाहणार आहोत ज्यामुळे तुम्ही झटपट वांग्याचे भरीत बनवू शकाल, तर चला जाणून घेऊ या रेसिपी 

साहित्य-

१ मोठे वांगे

२ चिरलेले टोमॅटो

१/२ चमचा हळद

१ चमचा मोहरी

२ बारीक चिरलेले कांदे

८ कढीपत्ता

गरजेनुसार तेल

चवीनुसार मीठ

५ लसूण पाकळ्या

२ हिरव्या मिरच्या

१ चमचा लाल तिखट

कोथिंबीर

कृती-

सर्वात आधी वांगे स्वच्छ धुवा. आता ते थेट गॅसवर भाजून घ्या. तसेच, त्याची साल पूर्णपणे काळी होईपर्यंत सर्व बाजूंनी सोनेरी होईपर्यंत भाजून घ्या. आता भाजलेले वांगे थोडा वेळ झाकून ठेवा, नंतर त्याची साल काढून गर कुस्करून घ्या. एका कढईत तेल गरम करून त्यात मोहरी घाला. मोहरी तडतडू लागल्यावर त्यात कढीपत्ता, लसूण आणि हिरव्या मिरच्या घालून परतून घ्या. त्यानंतर, कांदा घालून तो हलका सोनेरी होईपर्यंत परता. त्यात टोमॅटो, हळद, लाल मिरची आणि मीठ घालून सर्व मसाले व्यवस्थित परतून घ्या. मसाल्यातून तेल सुटू लागल्यावर, त्यात कुस्करलेला वांग्याचा गर घालून, ढवळत ५ मिनिटे शिजवा. वर कोथिंबीर घालून सर्व्ह करा.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik