Republic Day 2025 विशेष बनवा या तिरंगा रेसिपी

1. तिरंगा इडली रेसिपी
साहित्य
75 ग्रॅम - उडदाची डाळ
175 ग्रॅम - इडली राइस
10 ग्रॅम - मीठ
15 ग्रॅम -गाजर प्यूरी
25 ग्रॅम - उकडलेला पालक प्यूरी

कृती-
सर्वात आधी डाळ आणि तांदूळ २ तास भिजत घालावे. नंतर ते ग्राइंडरमध्ये बारीक करून पेस्ट बनवून आंबण्यासाठी 12 तास ठेवा. यानंतर पिठाचे 3 भाग करा. यानंतर, एका भागात गाजर प्युरी आणि दुसऱ्या भागात पालक प्युरी घाला. यामुळे इडलीला नारंगी आणि हिरवा रंग मिळेल. आता तुम्हाला इडलीचे पीठ साच्यात तिरंग्या स्वरूपात ओतावे लागेल जसे की, प्रथम लाल पीठ, नंतर पांढरे पीठ आणि हिरवे पीठ घाला आणि 20 मिनिटे वाफवून घ्या. तर चला तयार आहे आपली तिरंगा इडली रेसिपी, एका प्लेटमध्ये काढा आणि चटणीसोबत नककीच सर्व्ह करा.

2. तिरंगा सॅलड
साहित्य-
गाजर - दोन किसलेले
मुळा - एक किसलेला
काकडी - एक कप किसलेली  
मध - एक चमचा
ऑलिव्ह तेल - एक चमचा
काळी मिरेपूड - अर्धा टीस्पून
चवीनुसार मीठ

कृती-
तिरंगा सॅलड बनवण्यासाठी सर्वात आधी गाजर, काकडी आणि मुळा सोलून घ्या आणि स्वच्छ धुवून  थंड पाण्यात 10 मिनिटे ठेवावे. आता 10 मिनिटांनंतर, गाजर, काकडी आणि मुळा पाण्यातून गाळून घ्या आणि वाळू द्या. गाजर, काकडी आणि मुळा किसून घ्या. नंतर दुसऱ्या भांड्यात गाजर, काकडी आणि मुळा काढा आणि त्यात  ऑलिव्ह ऑइल, काळीमिरी पूड, मीठ, मध घाला आणि चांगले मिसळा. सर्व गोष्टी मिसळल्यानंतर त्यात बारीक चिरलेल्या खजूर घाला आणि चांगले मिसळा. आता जेवणासोबत एका प्लेटमध्ये वाढा. तर चला तयार आहे आपले तिरंगा सॅलड रेसिपी.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik