साहित्य : 1 जुडी पालक धुऊन स्वच्छ करून बारीक बारीक चिरलेली, 1 कप काळे चणे, म मोठा चमचा तेल, मीठ चवीनुसार, 1 चमचा हळद, 1/2 लहान चमचा तिखट, 1 लहान चमचा धणे पूड, एक लहान चमचा जिरं पूड, 1 टोमॅटो बारीक चिरलेले, सजावटीसाठी हिरवी मिरची आणि टोमॅटोचे लांब लांब फोडी.
कृती : सर्वप्रथम चणे धुऊन पाण्यात 6 तास भिजत ठेवावे. नंतर मीठ व हळद लावून प्रेशर कुकरामध्ये गळेपर्यंत शिजवावे. कढईत तेल गरम करून त्यात टोमॅटो टाकावे नंतर जिरं, धनेपूड व तिखट घालून परतून घ्यावे. आता पालक घालून वर झाकण ठेवावे. 5 मिनिटाने त्यात शिजलेले चणे घालावे व थोड्या वेळाने गॅस बंद करावे. ही भाजी पोळी किंवा भातासोबत सर्व्ह करावी.
