साहित्य : २ वाट्या तांदूळ, दोन मुठी मटरदाणे, २ मध्यम आकाराची गाजरे, १ मध्यम आकाराचा कांदा, आले, लसूण-२ पाकळ्या, कढीलिंब-७/८ पाने, ४ सुक्या लाल मिरच्या, कोथिंबीर, धने व जिरे - प्रत्येकी १ टे. चमचा, तेल ४-५ चमचे, मीठ, फोडणीचे साहित्य.
कृती : दोन वाट्या तांदळाचा भात शिजत ठेवावा. शिजवताना भात मोकळा होण्यासाठी आवश्यक तेवढेच पाणी घालावे. भाताचा गोळा व्हायला नको. मटारदाणे धुवून घ्यावे. गाजरे धुवून बारीक तुकडे करावेत. अर्धा कांदा पातळ उभा चिरावा. उरलेला कांदा जाड चिरावा. कोथिंबीर धुवून निवडून घ्यावी.
ND
कढईत वा जाड बुडाच्या भांड्यात तेल तापत ठेवावे. त्यात मोहरी घालावी. मोहरी तडतडली की हळद व कढिलिंब घालून त्यावर पातळ उभा चिरलेला कांदा घालून परतावा. त्यावर मटारदाणे व गाजर घालून परतावे. शेवटी मिक्सरमधील कांदा-आले-लसूण- कोथिंबिरीचे ओले वाटण घालून परतावे. शेवटी हे मिश्रण व भाताला पुरेल एवढे मीठ घालावे. त्यात एक कप पाणी घालून मटार-गाजर शिजेपर्यंत झाकण घालून ठेवावे. मटार व गाजर फार मऊ होईपर्यंत शिजवू नये.
परातीत वा मोठ्या ताटात भात काढून तो मोकळा करून घ्यावा त्यावर वरील मिश्रण ओतून ते भाताला सारखे लागेल अशा पद्धतीने ढवळावे. मिश्रणातील मीठ कमी वाटत असल्यास वरून थोडे मीठ घालावे.
