व्हेजिटेबल खिमा

साहित्य  : दीड कप किसलेला फ्लॉवर, अर्धा कप किसलेले गाजर, 1 कप उकडलेला मटार, 1 कांदा, 1-1 चमचे आले-लसूण पेस्ट, 1 मोठा टोमॅटो, मीठ, तिखट, 1 चमचा गरम मसाला, 1 चमचा धने-जिरेपूड, अर्धा कप दही, थोडे काजू तुकडे, किसमिस, कोथिंबीर.

कृती : कांदा-टोमॅटो बारीक चिरून घ्या. थोडे तेल गरम करून किसलेला फ्लॉवर व गाजर परतून घ्या. रंग बदलला की गॅस बंद करा. थोडे तेल गरम करून, कांदा लाल करा. आले-लसूण पेस्ट, टोमॅटो, सर्व मसाले घाला. दही घुसळून घाला. परतलेला फ्लॉवरचा, गाजराचा कीस घाला. उकडलेला मटार घाला. मीठ. थोडी साखर घाला. थोडे बेदाणे भाजीत घाला. वर काजू, कोथिंबीर पेरा.