Mizoram Assembly Election 2023 मिझोराममधील एकूण 40 विधानसभा मतदारसंघांसाठी दाखल केलेल्या 174 उमेदवारी अर्जांपैकी 173 छाननीदरम्यान वैध आढळले. 40 विधानसभा मतदारसंघांसाठी एकूण 174 उमेदवारांनी उमेदवारी अर्ज दाखल केले आहेत. मिझोरम विधानसभा निवडणुकीसाठी 7 नोव्हेंबरला मतदान होणार आहे.
मिझोरम विधानसभा निवडणुकीसाठी 7 नोव्हेंबरला मतदान होणार आहे. विरोधी पक्ष झोराम पीपल्स मूव्हमेंट (ZPM) चे उमेदवार डॉ. लॉरेन लालपेक्लियन चिंजाह यांच्या नामनिर्देशन पत्रात काही तफावत आढळून आल्यानंतर त्यांची पुन्हा छाननी करण्यात येत आहे, असे अधिकाऱ्यांनी सांगितले.
चिंजा यांनी लंगतलाई पूर्व मतदारसंघातून उमेदवारी दाखल केली आहे. 40 विधानसभा मतदारसंघांसाठी एकूण 174 उमेदवारांनी उमेदवारी अर्ज दाखल केले आहेत. शनिवारी उमेदवारी अर्जांची छाननी झाली. उमेदवारी अर्ज मागे घेण्याची अंतिम तारीख 23 ऑक्टोबर आहे.
2018 च्या विधानसभा निवडणुकीच्या तुलनेत यंदा उमेदवारी अर्ज दाखल करणाऱ्या उमेदवारांची संख्या 38 कमी आहे. सत्ताधारी मिझो नॅशनल फ्रंट (MNF), प्रमुख विरोधी पक्ष ZPM आणि काँग्रेसने सर्व 40 जागांवर उमेदवार उभे केले आहेत आणि या सर्वांनी उमेदवारी अर्ज दाखल केले आहेत.
भारतीय जनता पक्षाने (भाजप) 23 जागांवर आपले उमेदवार उभे केले आहेत, तर आम आदमी पक्षाने (आप) चार जागांवर आपले उमेदवार उभे केले आहेत. याशिवाय 27 उमेदवार अपक्ष म्हणून निवडणूक लढवत आहेत.
