महाराष्ट्राची राजधानी मुंबईतील मुलुंडमध्ये हिट अँड रनची घटना समोर आली आहे. मिळालेल्या माहितीनुसार भरधाव वेगात आलेल्या कारने दोघांना धडक दिली. या अपघातात एकाचा मृत्यू झाला. एकाची प्रकृती गंभीर आहे. नवघर पोलिसांनी अज्ञाताविरुद्ध गुन्हा दाखल केला आहे. याप्रकरणी पोलिसांनी पुढील तपास सुरू केला आहे. तसेच रविवारी पहाटे दोन गणेशभक्तांना भरधाव कारने धडक दिल्याचे पोलिसांनी सांगितले. पहाटे चार वाजता ही घटना घडली आहे.
स्थानिक लोकांनी सांगितले की, मुलुंडचा राजा गणपती मंडळाचे दोन कार्यकर्ते सकाळी बॅनर आणि पोस्टर लावण्याचे काम करत होते. त्याचवेळी भरधाव वेगात आलेल्या कारने दोन्ही तरुणांना धडक दिली.
पोलीस अद्याप कार चालकाचा शोध घेत आहेत. या घटनेत प्रीतम थोरात यांचा मृत्यू झाला आहे. प्रसाद पाटील हे गंभीर जखमी झाले आहेत. त्याला जवळच्या रुग्णालयात दाखल करण्यात आले आहे. याप्रकरणी पोलिसांनी तपास सुरू केला आहे. परिसरातील सीसीटीव्ही फुटेज तपासले जात आहे.
