मुंबई विमानतळावरील सीमा शुल्क विभागाच्या अधिकाऱ्यांनी मोठी कारवाई करत कोट्यवधी रुपयांच्या सोन्याची तस्करी उधळून लावली आहे. अधिकृत निवेदनानुसार कस्टम्सने तीन दिवसांत सोन्याच्या तस्करीची अनेक प्रकरणे शोधून काढली आणि एकूण 4.06 कोटी रुपयांचे सोने आणि एक महागडा फोन जप्त केला.
कपडे आणि हँडबॅगमध्ये लपवले होते
अधिकाऱ्यांनी सांगितले की, 23 ते 25 फेब्रुवारी दरम्यान मुंबई कस्टम्सच्या विमानतळ आयुक्तालयाने 7.57 किलोपेक्षा जास्त सोने आणि एक आयफोन जप्त केला आहे. तस्करीचे सोने चतुराईने प्रवाशांच्या कपड्यांमध्ये आणि हॅण्डबॅगमध्ये लपवण्यात आले होते.
याआधी, 18 ते 24 फेब्रुवारी दरम्यान एका वेगळ्या प्रकरणात कस्टम अधिकाऱ्यांनी तस्करीच्या सात वेगवेगळ्या प्रकरणांचा पर्दाफाश केला होता. सखोल तपासादरम्यान आरोपींकडून 4.09 कोटी रुपयांचे 7.64 किलो सोने जप्त करण्यात आले.
अवैध धंदे करण्यासाठी तस्करांनी मोबाईल कंपनीच्या रिटेल कर्मचाऱ्यांचीही मदत घेतली. आरोपींनी तस्करीचे हॉट पैन, सायकल, विमानातील सीट, बॅगेच्या कोपऱ्यातील पाईपिंगमध्ये आणि चेक इन बॅग अशा विविध वस्तूंमध्ये लपवून ठेवले होते. सोन्याच्या तस्करीचे जाळे उघड करण्यासाठी या प्रकरणाचा तपास सुरू आहे.
