मुंबई सिद्धीविनायकाच्या दर्शनाबाबत मोठी बातमी आहे. मंदिर समितीचे अध्यक्ष आदेश बांदेकर यांनी भाविकांना आवाहन केलं आहे.
जाणून घेऊया सविस्तर
तुम्हाला जर सिद्धिविनायकाचं दर्शन घ्यायचं असेल, तर एका नंबरवर फोन करा आणि दर्शन मिळवा. अशा आशयचा एक मेसेज आणि फोन नंबर सध्या सोशल मीडियावर तुफान व्हायरल झालाय. मात्र हा मेसेज खोटा असल्याचं समोर आलं आहे. याबाबत मंदिर समितीचे अध्यक्ष आदेश बांदेकर यांनीच याबाबत माहिती दिली आहे.
भाविकांना आवाहन
दरम्यान सोशल मीडियाच्या माध्यमातून खोडसाळपणा केला जात आहे. सिद्धीविनायक मंदिराच्या नावाने हे खोटे मेसेज व्हायरल केले जात आहेत. तुम्हाला आम्ही दर्शन देऊ, असं या नंबरवरुन सांगितलं जात आहे. मात्र तुम्ही प्रलोभणाला बळी पडू नका, असं आवाहनही बांदेकरांनी केलं आहे.
