Mumbai Kurla Bus Accident: कुर्ला परिसरात सोमवारी बसचा भीषण अपघात झाला. त्यावर विरोधी पक्षनेते आणि काँग्रेस नेते विजय वडेट्टीवार यांनी मंगळवारी कुर्ला बस दुर्घटनेसाठी बेस्ट बृहन्मुंबई वीजपुरवठा आणि परिवहन प्रशासनाला जबाबदार धरले आहे.
मिळालेल्या माहितीनुसार कुर्ल्यातील भीषण बस अपघातात 7 जणांचा मृत्यू झाला असून जखमींवर उपचार सुरू आहे. तसेच काँग्रेसने या घटनेसाठी बृहन्मुंबई वीज पुरवठा आणि परिवहनला पूर्णपणे जबाबदार धरले असून कठोर कारवाईची मागणी केली आहे. कुर्ला बस दुर्घटनेसाठी काँग्रेसचे विरोधी पक्षनेते विजय वडेट्टीवार यांनी मंगळवारी बेस्ट बृहन्मुंबई विद्युत पुरवठा व परिवहन प्रशासनाला जबाबदार धरले. तसेच या दुर्घटनेत प्राण गमावलेल्या लोकांप्रती त्यांनी शोक व्यक्त केला.
सोशल मीडिया X वरील एका पोस्टमध्ये विजय वडेट्टीवार यांनी दावा केला की, बसच्या चालकाला मोठी वाहने चालवण्याचा अनुभव नाही. ते म्हणाले, या अपघातातील बस चालक हा कंत्राटी चालक होता आणि चालकाला बस चालवण्याचा कोणताही अनुभव नसल्याची धक्कादायक माहिती समोर आली आहे. एवढी मोठी बस चालवण्याचा अनुभव नसताना त्याला हे काम कसे मिळाले? या अक्षम्य कृत्याला बेस्ट प्रशासन जबाबदार आहे, त्यामुळे दोषींवर कडक कारवाई करावी. या दुर्घटनेत मृत्युमुखी पडलेल्या व जखमींच्या कुटुंबीयांना सरकारने तातडीने मदत द्यावी, अशी आमची मागणी आहे.
याआधीच, महाराष्ट्राचे मुख्यमंत्री देवेंद्र फडणवीस यांनी कुर्ला बस दुर्घटनेत मृत्युमुखी पडलेल्यांच्या कुटुंबीयांना प्रत्येकी पाच लाख रुपयांची तातडीने आर्थिक मदत देण्याचे आदेश दिले होते, अशी माहिती महाराष्ट्राच्या मुख्यमंत्री कार्यालयाने मंगळवारी दिली. अपघातात जखमी झालेल्यांच्या उपचाराचा खर्च बेस्ट आणि बीएमसी उचलणार असल्याचंही महाराष्ट्राच्या मुख्यमंत्र्यांनी म्हटलं आहे.
मिळालेल्या माहितीनुसार कुर्ल्यातील मृतांचा आकडा 7 वर पोहोचला असून जखमींची संख्या 49 वर पोहोचली असल्याची माहिती अग्निशमन विभागाच्या अधिकाऱ्यांनी दिली आहे.
Edited By- Dhanashri Naik
