महाराष्ट्रातील अनेक जिल्ह्यांमध्ये मुसळधार पावसाचा इशारा देण्यात आला आहे. रत्नागिरी, रायगड आणि सिंधुदुर्ग आणि मुंबई, ठाणे आणि पालघर येथे मुसळधार पावसाचा इशारा देण्यात आला आहे.
24 जूनपासून पुढील पाच दिवसांत कोकण आणि विदर्भात मुसळधार ते अतिमुसळधार पावसाचा अंदाज हवामान खात्याने वर्तवला आहे. मराठवाड्यातही मुसळधार पाऊस पडण्याची शक्यता वर्तवली आहे
पुण्यात गेल्या दोन दिवसांपासून सतत मुसळधार पाऊस पडत आहे, तर रायगडमध्ये काल रात्रीपासून जोरदार वाऱ्यांसह पाऊस पडत आहे. अलिबाग, मुरुड, पेण, माणगाव आणि रोहा यासारख्या तालुक्यांमधील सखल भागात पाणी साचल्याची नोंद झाली आहे. रायगड जिल्ह्यासाठी ऑरेंज अलर्ट जारी करण्यात आला आहे आणि रहिवाशांना सतर्क राहण्याचा सल्ला देण्यात आला आहे.
हवामान विभागाने 28 जून पर्यंत हायटाईडचा इशारा दिला आहे. 24 ते 28 जून दरम्यान दररोज समुद्रात उंच लाटा उसळतील. भरती-ओहोटी लक्षात घेता, बीएमसीने सर्व संबंधित विभागांना सतर्क राहण्याचे आदेश दिले आहेत. भरती-ओहोटीच्या वेळी लोकांनी समुद्र किनाऱ्यापासून दूर राहावे असे बीएमसीने म्हटले आहे.
