आयआयटी बॉम्बेमध्ये शिकणाऱ्या 26 वर्षीय विद्यार्थ्याने संस्थेच्या वसतिगृहाच्या इमारतीच्या छतावरून उडी घेत आत्महत्या केल्याची धक्कादायक घटना घडली आहे.
ही घटना शुक्रवारी रात्री अडीचच्या सुमारास घडल्याचे सांगितले जात आहे. रोहित सिन्हा असे या मयत विद्यार्थ्यांचे नाव आहे. आत्महत्येनंतर लगेचच त्याला जवळच्या रुग्णालयात नेण्यात आले, जिथे डॉक्टरांनी त्याला मृत घोषित केले.
घटनास्थळी पोहोचलेल्या पोलिसांनी दिलेल्या माहितीनुसार, रोहित सिन्हा हा चौथ्या वर्षाचा विद्यार्थी होता आणि मूळचा दिल्लीचा होता. छतावरून उडी मारून आत्महत्या केल्याची बातमी कळताच त्याला जवळच्या रुग्णालयात नेण्यात आले, जिथे तपासणीनंतर डॉक्टरांनी त्याला मृत घोषित केले.
पवई पोलिसांनी माहिती दिली की घटनेच्या वेळी छतावर आणखी एक विद्यार्थी उपस्थित होता, जो मोबाईल फोनवर बोलत होता. त्यादरम्यान रोहितने अचानक उडी मारली. हे सर्व इतक्या वेगाने घडले की कोणालाही काही समजण्यापूर्वीच रोहित खाली पडला होता.
या प्रकरणात पोलिसांनी अपघाती मृत्यूची तक्रार नोंदवली आहे, परंतु विद्यार्थ्याने आत्महत्येसारखे पाऊल का उचलले हे देखील शोधण्याचा प्रयत्न करत आहेत. अद्याप कोणतीही सुसाईड नोट सापडलेली नाही आणि कोणतेही स्पष्ट कारण सापडलेले नाही. सध्या पोलिस रोहितचे मित्र, वर्गमित्र आणि वसतिगृहातील सहकाऱ्यांची चौकशी करत आहेत. तथापि, या घटनेवर आयआयटी मुंबई प्रशासनाकडून अद्याप कोणतेही अधिकृत विधान आलेले नाही.
पोलिसांनी सांगितले की, संस्थेनेच त्यांना या घटनेची माहिती दिली आहे. तसेच रोहितच्या पालकांनाही याबद्दल माहिती देण्यात आली आहे. संस्थेने त्यांच्या अधिकृत एक्स अकाउंटवर रोहितच्या मृत्यूची बातमी शेअर केली आहे आणि त्याला अपघात म्हटले आहे.. रोहितचा मृतदेह पोस्टमॉर्टमसाठी पाठवण्यात आला आहे, अहवाल आल्यानंतरच मृत्यूचे खरे कारण कळेल.
