महाराष्ट्रातील ठाणे जिल्ह्यात वाढदिवसाच्या पार्टीत एका 22 वर्षीय तरुणीला अंमली पदार्थ पाजून तिच्यावर लैंगिक अत्याचार केल्याप्रकरणी एका महिलेसह तिघांना अटक करण्यात आली आहे. पोलिसांनी शुक्रवारी ही माहिती दिली. मिळालेल्या माहितीनुसार ही घटना बदलापूरच्या शिरगाव भागातील एका अपार्टमेंटमध्ये मध्यरात्री घडली. तक्रारीच्या आधारे पोलिसांनी आरोपी संतोष शिवराम रूपवते (40), शिवम संजय राजे (23) आणि अलिस्का उर्फ भूमिका रवींद्र मेश्राम (20) यांना अटक केली.
अधिकारींनी सांगितले की, अलिस्काने पीडितेला तिच्या घरी वाढदिवसाच्या पार्टीसाठी आमंत्रित केले होते आणि इतर दोन आरोपी तेथे आधीच उपस्थित होते. तसेच पार्टीनंतर दोघेही (पुरुष आरोपी) बेडरूममध्ये दारू पिऊ लागले. जेव्हा पीडिता बाहेर जाण्यासाठी उठली तेव्हा तिने अस्वस्थतेची तक्रार केली आणि आरोपी महिलेने तिला लिंबू पाणी दिले. तसेच ते म्हणाले की, पेयामध्ये काही मादक पदार्थ टाकण्यात आले होते आणि ते प्यायल्यानंतर पीडितेला चक्कर येऊ लागली. व ती बेशुद्ध असतांना तिच्यावर लैंगिक अत्याचार करण्यात आले. पीडितेच्या तक्रारीवरून आरोपींना पोलिसांनी बेड्या ठोकल्या असून पुढील तपास सुरु आहे.
