मंगळवारी रात्री महाराष्ट्रातील ठाणे जिल्ह्यातील कसारा स्थानकावर आलेल्या लोकल ट्रेनच्या डब्यावर भूस्खलनाचा ढिगारा कोसळल्याने एक पुरुष प्रवासी जखमी झाला. मध्य रेल्वेचे मुख्य जनसंपर्क अधिकारी स्वप्नील नीला यांनी पीटीआयला सांगितले की, रात्री 9.15 वाजता मुंबई सीएसएमटीपासून सुमारे 120 किमी अंतरावर असलेल्या कसारा स्थानकाच्या प्लॅटफॉर्म क्रमांक चारवर लोकल ट्रेन प्रवेश करत असताना ही घटना घडली.
नीला यांच्या म्हणण्यानुसार, जखमी प्रवाशाला स्टेशनच्या ड्युटी कर्मचाऱ्यांनी प्रथमोपचार दिला. त्यांनी सांगितले की, अभियांत्रिकी कर्मचाऱ्यांनी ट्रॅकची तपासणी केली आणि रात्री 9.35 वाजता तो रेल्वे वाहतुकीसाठी सुरक्षित घोषित करण्यात आला.
मध्य रेल्वेचे मुख्य जनसंपर्क अधिकारी स्वप्नील नीला यांनी दिलेल्या माहितीनुसार, कसारा स्थानकावर ट्रेनचा तिसरा डबा घटनास्थळावरून जात असताना भूस्खलन झाले. डब्याचे दरवाजे उघडे होते. त्यामुळे काही चिखल आणि दगड ट्रेनमध्ये पडले .दिलेल्या माहितीनुसार, या संपूर्ण घटनेमुळे स्थानिक किंवा लांब पल्ल्याच्या रेल्वे सेवांमध्ये कोणताही व्यत्यय आला नाही
