अमेरिकेचे भारतातील राजदूत एरिक गार्सेट्टी यांनी बुधवारी सांगितले की मुंबई दौऱ्यावर महाराष्ट्राचे मुख्यमंत्री एकनाथ शिंदे यांनी सर्व्ह केलेल्या वडापावचा आस्वाद घेतला. प्रसारमाध्यमांशी बोलताना गार्सेट्टी म्हणाले, "अरे देवा, इथे मिळणारा वडापाव इतर कोठूनही चांगला आहे, तो मुख्यमंत्र्यांनीच मला सर्व्ह केला आहे."
गार्सेटी म्हणाले की ते खूप खुश आहेत की सीएम शिंदे यांनी त्यांना वडापावच दिला नाही, तर तुम्हाला ते खावेच लागेल अशा आग्रह ही धरला. माझ्या पत्नीने (जी सध्या यूएसमध्ये आहे) मला विचारले की मला कसे वाटते. मी तिला सांगितले की मला खूप मजा आली.
यावेळी ते म्हणाले की, भारत जगातील एक मोठी शक्ती म्हणून उदयास येत आहे. गेल्या तीन दशकांत भारताने केलेली प्रगती पाहून मी प्रभावित झालो आहे.
पाकिस्तानमधील सध्याच्या परिस्थितीमुळे अमेरिका आणि भारत चिंतेत असल्याचे ते म्हणाले. त्यामुळे पाकिस्तानमध्ये अशांततेचे वातावरण राहणार नाही, अशी अपेक्षा आहे. त्यांनी म्हटले की मुंबई भेटीदरम्यान त्यांनी प्रमुख सांस्कृतिक, आर्थिक आणि व्यावसायिक व्यक्तींसोबत भारत-अमेरिका भागीदारी मजबूत करण्याच्या मार्गांवर चर्चा केली. दरम्यान, गारसेटीने अभिनेता शाहरुख खानची त्याच्या मन्नत या निवासस्थानी भेट घेतली. या भेटीदरम्यान त्यांनी राज्यपाल रमेश बैस यांचीही भेट घेतली.
