दर्शन द्यायला पंतप्रधान नरेंद्र मोदी हे देव झाले आहेत काय? असा सवाल काँग्रेसचे नेते मल्लिकार्जुन खरगे यांनी लोकसभेत केला. त्यानंतर एकच हशा पिकला.
पंतप्रधानांच्या गैरहजेरीचा मुद्दा मल्लिकार्जुन खरगे यांनी लोकसभेत उपस्थित केला.आपल्या व्यग्र वेळापत्रकातून वेळ काढून मोदींनी किमान आठवड्यातून एक दिवस तरी संसदेत हजेरी लावली पाहिजे, असे खरगे यांना सांगायचे होते. त्या पार्श्वभूमीवर बुधवारी स्वराज यांनी सभागृहात आपली भूमिका स्पष्ट करण्याचा प्रयत्न केला. खरगे यांनी पंतप्रधानांच्या उपस्थितीवरून तक्रार केली होती. परंतु पंतप्रधान प्रश्नोत्तराच्या तासांत सभागृहात होते. तुम्हाला त्यांचे दर्शन झालेही होते, असे त्यांनी स्पष्ट केले. त्यावर खरगे म्हणाले, दर्शन द्यायला मोदी काही देव नाहीत. खरे तर त्यांनी आठवड्यातून एकदा तरी सभागृहात असावे. एवढेच मला म्हणायचे होते.
