नितीशकुमार यांनी निवडणुकीपूर्वी दिलेले पहिले आश्वासन पुर्ण करीत बिहारमध्ये नववर्षांत १ एप्रिलपासून संपूर्ण दारूबंदी लागू करण्याची घोषणा केली आहे.
दारुनिषेध दिनानिमित्त आयोजित एका कार्यक्रमात बोलताना मुख्यमंत्री नितीशकुमार म्हणाले, १ एप्रिल २०१६पासून राज्यात दारूबंदी लागू करण्यात येणार असून, यासंदर्भात अधिकार्‍यांना आवश्यक दिशानिर्देश देण्यात आले आहेत. राज्यासाठी नवे धोरण तयार करण्यात येत आहे. दारूबंदी धोरण लागू केल्याने ४ हजार कोटी रुपयांचा महसूल कमी होणार असून, त्याच्या भरपाईसाठी वेगळ्या उपाययोजना केल्या जातील, असेही नितीशकुमार म्हणाले. दरम्यान, या निर्णयामुळे गुजरात, केरळ, मणिपूर व नागालॅण्डनंतर दारूबंदी लागू करणारे बिहार हे देशातील पाचवे राज्य ठरणार आहे.
