'गीर' अभयारण्यात रविंद्र जाडेजाने त्याच्या पत्नीसह अतिउत्साहाच्या भरात सिंहासोबत सेल्फी काढून ते फोटो सोशल मीडियावर अपलोड केले असून याप्रकरणी वनविभागाने चौकशीचे आदेश दिले आहेत.
जंगल सफारीदरम्यान जाडेजा व त्याची पत्नी गाडीतून खाली उतरले व अवघ्या काही अंतरावर बसलेल्या सिंहांच्या झुंडीसोबत फोटो काढले. अभयारण्याच्या नियमानुसार जंगलाच्या आतमध्ये असताना कोणत्याही पर्यटकाला गाडीतून खाली उतरण्याची परवानगी नसते. ही छायाचित्रे सोशल मीडियावर व्हायरल झाल्यानंतर टीका होण्याची शक्यता लक्षात घेऊनच वन विभागाच्या अधिका-यांनी याप्रकरणी चौकशीचे आदेश दिले आहेत.
