Assam Viral Video मानवी क्रौर्याची परिसीमा ओलांडणाऱ्या बातम्या आणि व्हिडिओ तसेच चित्रे हल्ली लागोपाट समोर येत असतात. प्राण्यांवरील क्रूरतेचे असे व्हिडीओ वेळोवेळी येत असतात जे पाहून तुमचा विश्वास बसणार नाही की माणूस इतका खालच्या थराला जाऊ शकतो. स्वतःच्या आनंदासाठी माणूस कधी कधी अशा गोष्टी करू लागतो की त्यातील भावना कुठे हरवल्या अशी लाज वाटू लागते. प्राण्यांवर बलात्कार, जाळणे, गळफास, वाहनांला बांधून लांबवर ओढणे अश्या बातम्या तुम्ही पाहिल्या आणि ऐकल्या असतील, पण आसामच्या नागावमधून एक व्हिडिओ समोर आला आहे जो लाजिरवाणा आहे. या व्हिडिओमध्ये 4 मुले कोंबडीच्या प्रायव्हेट पार्टमध्ये फटाका टाकून तो फोडताना दिसत आहेत.
या चार मुलांनी कोंबड्याच्या गुदाशयात फटाका फोडतानाचा व्हिडिओही बनवला. एका व्यक्तीने सोशल मीडिया प्लॅटफॉर्म X वर त्याचा व्हिडिओ शेअर केला आहे, ज्यामध्ये मुले कोंबडीच्या गुदाशयात फटाके टाकून माचिसच्या काडीने जाळताना दिसत आहेत. फटाका फुटला की सगळे हसतात. हसण्याचा आवाज स्पष्टपणे ऐकू येतो. फटाका फोडल्यानंतर कोंबडी गंभीर जखमी झाली, तिची गुदाशय पूर्णपणे जळाली. यामुळे तिचा मृत्यू झाला.
व्हिडिओ शेअर करणाऱ्या व्यक्तीने काय म्हटले?
X वर व्हिडिओ शेअर करताना त्या व्यक्तीने लिहिले की, एक दुर्दैवी घटना घडली, जिथे आसामच्या राहा गावात एक कोंबडी क्रूर कृत्याची शिकार झाली. 4 मुलांनी तिच्या प्रायव्हेट पार्टमध्ये फटाका टाकला आणि तो फोडला. कोंबडीचा वेदनादायक मृत्यू झाला.
एनजीओने पोलिसांकडे कारवाईची मागणी केली
व्हिडीओ समोर आल्यानंतर एनजीओ पीएफएने पोलिसांना याप्रकरणी कारवाई करण्यास सांगितले आहे. एनजीओने एका पोस्टमध्ये लिहिले आहे की, या निष्पाप जीवाला न्याय मिळवून देण्यासाठी आपण एकत्र येऊ या. आता हा व्हिडीओ समोर आल्यानंतर पोलीस काय कारवाई करतात हे पाहायचे आहे.
