UP तापाचा उद्रेक, पिलीभीतमध्ये 20 दिवसांत 4 जणांचा मृत्यू

पिलीभीत- सध्या उत्तर प्रदेशातील पिलीभीतमध्ये विषाणूजन्य तापाचा उद्रेक पाहायला मिळत आहे. शहरालगतच्या नौगाव पाकिया परिसरात गेल्या 20 दिवसांत गूढ तापाने 4 जणांचा मृत्यू झाल्याची घटना समोर आली आहे. त्यानंतर संपूर्ण परिसरात खळबळ उडाली आहे. 4 जणांचा मृत्यू झाल्यानंतर परिसरातील नागरिकांनी आरोग्य विभाग आणि नगर पंचायतीवर गंभीर आरोप केले आहेत.

पिलीभीत जिल्ह्यातील नौगवान पाकड्याला नुकताच नगर पंचायतीचा दर्जा मिळाला आहे. नगर पंचायतींच्या निवडणुका अद्याप झालेल्या नाहीत. यामुळे संपूर्ण परिसरात गोंधळाचे वातावरण आहे. ठिकठिकाणी कचरा साचत असल्याने साथीचे आजार पसरण्याचा धोका वाढला आहे.

मिळालेल्या माहितीनुसार आतापर्यंत परिसरातील 100 लोकांचे नमुने घेण्यात आले आहे. त्यापैकी सुमारे 30 जणांमध्ये डेंग्यूची अंशतः लक्षणे आढळून आली आहेत. मात्र आरोग्य विभागाने कोणतीही अधिकृत आकडेवारी दिलेली नाही.