एसीच्या स्फोटामुळे विवेक विहारमधील इमारतीला लागलेल्या आगीत ९ जणांचा मृत्यू

राष्ट्रीय राजधानी दिल्लीत आणखी एक मोठी दुर्घटना घडली आहे. शाहदरा येथील विवेक विहारमधील एका चार मजली इमारतीला आग लागली आहे . घटनास्थळी अग्निशमन दलाच्या अनेक गाड्या दाखल झाल्या आहेत. या भीषण आगीत नऊ जणांचा मृत्यू झाला आहे.

दिल्लीतील विवेक विहारमधील सहा फ्लॅट्सना काल रात्री उशिरा अचानक आग लागली. अग्निशमन दलाला पहाटे ३:४७ वाजता आगीची माहिती मिळाली आणि अग्निशमन दलाच्या गाड्या घटनास्थळी दाखल झाल्या. आगीत अनेक लोक अडकले असून, त्यांना बाहेर काढण्यासाठी पथके प्रयत्न करत आहेत. सध्या बचावकार्य सुरू आहे .

आतापर्यंत १६ जणांना सुखरूप बाहेर काढण्यात आले असून, नऊ जणांचा मृत्यू झाल्याचे वृत्त आहे. मिळालेल्या माहितीनुसार, विवेक विहार पोलीस ठाण्याला आग लागल्याचा पीसीआर कॉल आला. माहिती मिळताच, एसएचओ आणि एसीपी यांच्यासह पोलीस अधिकारी तात्काळ घटनास्थळी रवाना झाले.

आग दुसऱ्या, तिसऱ्या आणि चौथ्या मजल्यावरील अपार्टमेंटमध्ये केंद्रित झाली होती. बचाव आणि आग विझवण्याच्या कार्यादरम्यान, १०-१५ लोकांना सुरक्षितपणे बाहेर काढण्यात आले.

पीडितांपैकी दोघे किरकोळ जखमी झाले असून त्यांना वैद्यकीय उपचारासाठी गुरु तेग बहादूर रुग्णालयात दाखल करण्यात आले आहे. घटनास्थळी अग्निशमन दलाच्या बारा गाड्या, डीडीएमए कर्मचारी, वाहतूक अधिकारी आणि स्थानिक पोलीस उपस्थित होते.

प्राथमिक तपासात आगीत नऊ जणांचा मृत्यू झाल्याचे निष्पन्न झाले आहे. घटनास्थळी पुढील तपास आणि कायदेशीर कार्यवाही सुरू आहे.

आतापर्यंत तीन ते चार मृतदेह सापडले असून, उर्वरित अवशेषांचा शोध सुरू आहे. शोध पूर्ण झाल्यावर सविस्तर माहिती दिली जाईल.

Edited By - Priya Dixit