फरीदाबादच्या ग्रीन फील्ड कॉलनीतील एका घरात एसीचा स्फोट झाल्याने मोठी दुर्घटना घडली. या अपघातात पती, पत्नी आणि मुलीचा मृत्यू झाला तर मुलगा गंभीर अवस्थेत रुग्णालयात दाखल आहे. ही दुर्दैवी दुर्घटना पहाटे ३ वाजता घडली.
हरियाणाच्या फरीदाबादमधील ग्रीन फील्ड कॉलनीची ही घटना आहे. रविवारी सकाळी येथे एक दुःखद घटना घडली. एका घरात एअर कंडिशनरचा (एसी) स्फोट झाला, ज्यामुळे मोठी आग लागली. या अपघातात कुटुंबातील ३ सदस्यांचा मृत्यू झाला, तर एक मुलगा गंभीर जखमी झाला आहे आणि रुग्णालयात जीवन-मरणाशी झुंजत आहे.
सोमवारी पहाटे ३ वाजता संपूर्ण कुटुंब आपापल्या खोल्यांमध्ये झोपले असताना ही दुर्घटना घडली. पहिल्या मजल्यावरील आगीतून निघणारा धूर थेट दुसऱ्या मजल्यावर पोहोचला. धुरामुळे खोलीत श्वास घेणे कठीण झाले आणि हळूहळू पती, पत्नी आणि त्यांची मुलगी गुदमरून मृत्युमुखी पडली. घटनेची माहिती मिळताच स्थानिक लोकांनी तात्काळ पोलिस आणि अग्निशमन विभागाला कळवले. ग्रीन फील्ड कॉलनी पोलीस स्टेशनने घटनास्थळी पोहोचून मृतदेह ताब्यात घेतले आणि पोस्टमोर्टमसाठी रुग्णालयात पाठवले.
Edited By- Dhanashri Naik
