AIMIM पक्षाचे प्रमुख आणि हैदराबाद लोकसभा मतदारसंघाचे खासदार असदुद्दीन ओवेसी पुन्हा एकदा वादात सापडले आहेत. मंगळवारी लोकसभेत खासदारपदाच्या शपथविधीवेळी ओवेसी यांनी पॅलेस्टाईनच्या समर्थनार्थ जय पॅलेस्टाईनचा नारा दिला. हैदराबादचे खासदार ओवेसी यांनी जय पॅलेस्टाईनचा नारा दिल्यानंतर संसदेत आणि बाहेरही गदारोळ झाला.
मिळालेल्या माहितीनुसार असदुद्दीन ओवेसी यांनी आपल्या शपथविधीमध्ये जय पॅलेस्टाईन म्हटल्यावर केंद्रीय मंत्री आणि भाजप खासदार शोभा करंदलाजे यांनी त्यावर आक्षेप घेतला. यानंतर लोकसभेतील पीठासीन अधिकारी राधामोहन सिंह यांनी असदुद्दीन ओवेसी यांचे हे विधान रेकॉर्डमधून काढून टाकण्यास सांगितले. मात्र, ओवेसींच्या या वक्तव्याचा व्हिडिओ आता व्हायरल झाला आहे.
लोकसभेत शपथविधी सोहळ्यादरम्यान, AIMIM पक्षाचे प्रमुख आणि हैदराबाद लोकसभा मतदारसंघाचे खासदार असदुद्दीन ओवेसी व्यासपीठावर शपथ घेण्यासाठी प्रथम आले. त्यांनी आपली शपथ पूर्ण केली आणि नंतर जय भीम, जय मीम, जय तेलंगणा आणि शेवटी जय पॅलेस्टाईन तकबीर अल्ला हू अकबरचा नारा दिला.
या प्रकरणावरून वाद वाढत असताना ओवेसी यांना पत्रकारांनी प्रश्न विचारला. AIMIM खासदार असदुद्दीन ओवेसी म्हणाले- "कोण काय बोलले, काय बोलले नाही हे सर्व तुमच्यासमोर आहे. आम्ही म्हणालो- 'जय भीम, जय मीम, जय तेलंगणा, जय पॅलेस्टाईन'... हे (संविधानाच्या) विरोधात कसे आहे?
