राजगीर रेल्वे स्थानकाच्या परिसरात शुक्रवारी दिल्लीहून आलेल्या श्रमजीवी एक्स्प्रेस ट्रेनच्या जनरल बोगीच्या टॉयलेट मध्ये एका मुलीचा मृतदेह आढळून आला.मयत तरुणीच्या गळ्यात स्कार्फचा फास बांधला होता. मृतदेह आढळल्याची वार्ता परिसरात पसरली. घटनास्थळी बघ्यांची गर्दी जमली. तरुणीचा बलात्कार आणि खून झाल्याचा संशय लोक व्यक्त करत आहेत. रेल्वे स्थानक पोलिसांनी घटनेचा तपास सुरू केला आहे. मृताची ओळख पटू शकली नाही. स्थानिक लोकांनी सांगितले की ट्रेन दिल्लीहून आली होती. यानंतर गाडी स्वच्छ होण्यासाठी गेली. जिथे कामगार सर्व बोगी साफ करत होते. त्याचवेळी जनरल बोगीच्या टॉयलेटमध्ये तरुणीचा मृतदेह आढळून आला.
मृताचे वय सुमारे 25 वर्षे असल्याचे सांगण्यात येत आहे. स्कार्फचा फास तिच्या गळ्यात गुंडाळला होता. कपडे अस्ताव्यस्त पडले होते. राजगीर रेल्वे स्टेशनचे प्रमुख रामचंद्र सिंह यांनी सांगितले की, पोलिसांनी घटनेचा तपास सुरू केला आहे. शवविच्छेदन अहवालानंतर मृत्यूचे कारण स्पष्ट होईल. या घटनेमुळे परिसरात खळबळ उडाली आहे. मयत तरुणी कोण आहे कुठून आली आणि कुठे जात होती अद्याप समजू शकले नाही. पोलीस तपास लावत आहे.
