vadodara patna jaipur mumbai airport received bomb threat on mail : देशातील 4 विमानतळांना धमकीचा ई-मेल आला आहे. यानंतर सुरक्षा यंत्रणा सतर्क झाल्या आहेत. मुंबई, पाटणा, वडोदरा आणि जयपूर विमानतळांना हा ई-मेल प्राप्त झाला आहे. या विमानतळांवर सुरक्षा व्यवस्था आणखी कडक करण्यात आली आहे. सुरक्षा यंत्रणाही सतर्क झाल्या आहेत. एजन्सी देखील संशयास्पद वस्तूंसाठी तपासणी मोहीम राबवत आहेत. मात्र, यापूर्वीही अशाप्रकारे धमकीचे ई-मेल पाठवण्यात आले आहेत.
वडोदरामध्ये तपासणी मोहीम: वडोदरा पोलिसांचे एक पथक तातडीने विमानतळावर पोहोचले आणि त्यांनी सीआयएसएफसोबत येणाऱ्या-जाणाऱ्या वाहनांची तपासणी सुरू केली. अग्निशमन दलाचे जवानही सुरक्षा कर्तव्यावर तैनात होते.
जयपूरमध्येही सर्च ऑपरेशन : जयपूर विमानतळावरही धमकीचा ईमेल आला. या ईमेलमध्ये विमानतळावर बॉम्बस्फोट घडवून आणण्याची धमकी देण्यात आली होती. बॉम्बशोधक पथकाने विमानतळावर तपास केला. पोलीस पथक त्याचा तपासात व्यस्त आहे. आयपी ॲड्रेसवरून धमकीचा मेल पाठवणाऱ्या व्यक्तीचा पोलिस शोध घेत आहेत. तसेच बिहारच्या पाटणा येथील जयप्रकाश नारायण विमानतळावरही बॉम्बची धमकी देणारा ईमेल आला होता. ईमेल पाहून विमानतळाची सुरक्षा वाढवण्यात आली.
यापूर्वीही धमक्या आल्या आहेत : ही पहिलीच घटना नाही. यापूर्वी, दिल्लीहून श्रीनगरला येत असलेल्या विस्तारा विमान UK611 ला बॉम्बची धमकी मिळाल्याने श्रीनगर आंतरराष्ट्रीय विमानतळावर घबराट पसरली होती. बॉम्बची धमकी मिळाल्यानंतर संपूर्ण विमानतळ प्रशासन कामाला लागले. सुरक्षा यंत्रणा पूर्णपणे सतर्क झाल्या.
