केरळहून मुंबईला जाणाऱ्या विस्तारा एअरलाइन्सच्या विमानात बॉम्बची धमकी दिल्याची घटना समोर आली आहे. शुक्रवारी तिरुअनंतपुरमहून मुंबईला जाणाऱ्या विमानात बॉम्बची धमकी देण्यात आली होती. यानंतर सुरक्षा कर्मचाऱ्यांनी कसून झडती घेतली. महाराष्ट्रातील सहार पोलीस ठाण्याच्या अधिकाऱ्याने सांगितले की, क्रू मेंबरला विमानात बॉम्ब असल्याचे दर्शवणारी एक चिठ्ठी सापडली आहे.
अधिकाऱ्याने सांगितले की, दुपारी 3.15 वाजता विमान मुंबईच्या छत्रपती शिवाजी महाराज आंतरराष्ट्रीय विमानतळावर उतरताच विमान कंपनीने पोलिसांना कळवले. अधिकाऱ्याने सांगितले की, विमान उतरल्यानंतर प्रवाशांना धोक्याची माहिती देण्यात आली. प्रवासी आणि त्यांच्या सामानाची झडती घेण्यात आली. मात्र, अद्याप काहीही संशयास्पद आढळले नाही.
