केरळमधील कालपेट्टा येथील एका कुटुंब न्यायालयाला बॉम्बस्फोटाची धमकी देण्यात आली आहे. या घटनेची माहिती मिळताच न्यायालयात गोंधळ उडाला. सध्या पोलिस या प्रकरणाचा तपास करत आहे.
मिळालेल्या माहितीनुसार गुरुवारी केरळमधील कालपेट्टा येथील एका कुटुंब न्यायालयात बॉम्ब ठेवल्याची माहिती मिळताच तेथे घबराट पसरली. तसेच ही माहिती नंतर खोटी असल्याचे निष्पन्न झाले. पोलिसांनी सांगितले की, कोर्टाच्या अधिकृत ईमेलवर कोर्टात बॉम्ब ठेवल्याचा दावा करणारा मेसेज मिळाला होता.
न्यायालयाच्या कर्मचाऱ्यांनी ताबडतोब न्यायाधीशांना कळवले, ज्यांनी वरिष्ठ पोलिस अधिकाऱ्यांना कळवले. यानंतर, बॉम्ब निकामी करणारे पथक आणि श्वान पथक तपासणीसाठी तैनात करण्यात आले. तसेच, पोलिसांनी सांगितले की, कसून तपासणी केल्यानंतर कोणतेही स्फोटक सापडले नाहीत. दुपारी १२.३० च्या सुमारास पोलिसांना माहिती मिळाली आणि त्यांनी तातडीने कारवाई केली.
Edited By- Dhanashri Naik
