Suspected Pakistani Drone : जम्मू-काश्मीरमधील पुंछमध्ये नियंत्रण रेषेजवळ (एलओसी) सीमा सुरक्षा दलाच्या (बीएसएफ) जवानांनी एका संशयित पाकिस्तानी ड्रोनवर गोळीबार केला. अधिकाऱ्यांनी बुधवारी ही माहिती दिली. अधिकाऱ्यांनी सांगितले की, मंगळवारी रात्री 11.30 वाजण्याच्या सुमारास खनेतर येथील सतर्क बीएसएफ जवानांनी सीमेपलीकडून ड्रोन उडताना पाहिले.
3 डझनहून अधिक गोळ्या झाडल्या: अधिकाऱ्यांच्या मते, ड्रोन खाली करण्यासाठी सैनिकांनी 3 डझनहून अधिक गोळ्या झाडल्या. अधिकार्‍यांनी सांगितले की, अलर्ट जारी करण्यात आला असून संपूर्ण परिसराला कडेकोट बंदोबस्त लावण्यात आला आहे. बुधवारी सकाळी या भागात शोधमोहीम राबवण्यात आली.
माहितीसाठी 3 लाखांचे रोख बक्षीस: जम्मू आणि काश्मीर पोलिसांनी सीमेपलीकडून शस्त्रे आणि ड्रग्स सोडण्यासाठी उड्डाण केलेल्या ड्रोनबद्दल माहिती देणाऱ्याला 3 लाख रुपयांचे रोख बक्षीस जाहीर केले आहे.
