लखनौ : श्रीरामाची नगरी असलेल्या अयोध्येत प्रशासनाने अतिक्रमणाविरोधात मोठी कारवाई केली आहे. येथील अतिक्रमणावर कारवाई करत प्रशासनाने बुलडोझरने 36 दुकाने जमीनदोस्त केली आहेत. बुधवारी (23नोव्हेंबर) रात्री उशिरा प्रशासनाच्या बुलडोझरने अयोध्येतील रामजन्मभूमीतून बाहेर पडण्याचा मार्ग असलेल्या रामगुलेला मार्गावरील 36 दुकाने फोडली.
प्रशासनाच्या या कारवाईदरम्यान चांगलेच तापले. जिल्हा प्रशासनाने कोणतीही माहिती न देता दुकाने फोडली असून, प्रशासनातील लोकांनी मालही नेला असल्याचे संतप्त दुकानदारांचे म्हणणे आहे. दुसरीकडे जिल्हा प्रशासनाच्या अधिकाऱ्यांनी दुकानदारांचे हे आरोप निराधार असल्याचे म्हटले आहे. भक्तीपथ रस्ता करण्यासाठी गेल्या अनेक दिवसांपासून रुंदीकरणाचे काम सुरू असल्याचे अधिकाऱ्यांनी सांगितले. याबाबतची माहिती यापूर्वी देण्यात आली होती, मात्र त्यानंतरही दुकाने रिकामी करण्यात आली नाहीत.
अनेकवेळा इशारा दिल्यानंतर रात्री उशिरा सर्व दुकानांचा माल सुरक्षित गोदामांमध्ये जमा करण्यात आल्याची माहिती अधिकाऱ्यांनी दिली आहे. यासह प्रशासनाच्या इराद्यानुसार जागा मोकळ्या करण्यात आल्या आहेत. ही जागा नझूलच्या मालकीची असल्याचेही सांगण्यात आले आहे, तर या जागेचा वाद न्यायालयात प्रलंबित असल्याचे दुकानदार सांगत आहेत.
Edited by : Smita Joshi
