बुधवारी, जम्मू आणि काश्मीरच्या डोडा जिल्ह्यात प्रवाशांना घेऊन जाणारी बस रस्त्यावरून घसरली आणि 300 फूट खोल दरीत पडली, यात किमान 36 जणांचा मृत्यू झाला तर 22 जण जखमी झाल्याचं सांगण्यात येत आहे. अधिकाऱ्यांनी ही माहिती दिली. मृतांचा आकडा वाढण्याची शक्यता आहे.
अधिकाऱ्यांनी सांगितले की, बसचा नोंदणी क्रमांक JK02CN-6555 आहे. बटोटे-किशतवार राष्ट्रीय महामार्गावरील त्रंगल-असरजवळ बस रस्त्यावरून घसरली आणि 300 फूट खाली दरीत कोसळली. जम्मूचे विभागीय आयुक्त रमेश कुमार यांनी सांगितले की, बचावकार्य सुरू करण्यात आले असून काही मृतदेह बाहेर काढण्यात आले आहेत.
या अपघातात किमान 10 जणांचा मृत्यू झाला असून अनेक जण जखमी झाल्याचे त्यांनी सांगितले. अनधिकृत अहवालात मृतांची संख्या 20 आहे. मोठ्या उंचीवरून खाली पडल्याने बसचे मोठे नुकसान झाल्याचे सूत्रांनी सांगितले. ते म्हणाले की स्थानिक लोकांव्यतिरिक्त पोलीस आणि राज्य आपत्ती प्रतिसाद दलाचे (एसडीआरएफ) कर्मचारी बचाव कार्यात गुंतले आहेत.
काही जखमी प्रवाशांना रुग्णालयात दाखल करण्यात आल्याचे त्यांनी सांगितले. जखमींपैकी पाच जणांची प्रकृती चिंताजनक असल्याचे सूत्रांनी सांगितले. काही जखमी प्रवाशांना जम्मूच्या शासकीय वैद्यकीय महाविद्यालय (जीएमसी) रुग्णालयात एअरलिफ्ट केले जाण्याची शक्यता आहे.
केंद्रीय मंत्री जितेंद्र सिंह यांनी ट्विट केले आहे
केंद्रीय मंत्री जितेंद्र सिंह केंद्रीय मंत्री जितेंद्र सिंह यांनी ट्विटरवर अपघाताची माहिती दिली आहे. ते म्हणाले की, मी डोडा उपायुक्त हरविंदर सिंग यांच्याशी बोललो आहे. जखमींना किश्तवाडच्या जिल्हा रुग्णालयात दाखल करण्यात आले आहे.
आणखी काही लोकांवर पुढील उपचारासाठी हेलिकॉप्टरची व्यवस्था करण्यात येत आहे. आवश्यक ती सर्व मदत घटनास्थळी पाठवली जात आहे. मी सतत संपर्कात असून बचाव कार्यावर पूर्णपणे लक्ष ठेवले जात आहे. या घटनेनंतर स्थानिक लोकांनी तातडीने बचावकार्य सुरू केले. बसमध्ये जवळपास 55 लोक होते. अशा परिस्थितीत मृतांचा आकडाही जास्त असू शकतो.
