राष्ट्रगीताचा 'अनादर' केल्याबद्दल मुख्यमंत्री नितीश कुमार यांच्याविरुद्ध खटला दाखल, आज न्यायालयात सुनावणी

Nitish Kumar News: राष्ट्रगीताचा "अनादर" केल्याबद्दल मुख्यमंत्री नितीश कुमार यांच्यावर गुन्हा दाखल करण्यात आला आहे. मुख्यमंत्री नितीश कुमार यांच्यावर राष्ट्रगीताचा "अनादर" केल्याचा आरोप आहे. या प्रकरणाची सुनावणी आज होणार आहे.

मिळालेल्या माहितीनुसार गेल्या शुक्रवारी बिहारमधील मुझफ्फरपूर येथील न्यायालयात एक याचिका दाखल करण्यात आली होती ज्यामध्ये मुख्यमंत्री नितीश कुमार यांच्यावर पाटणा येथील एका कार्यक्रमादरम्यान राष्ट्रगीताचा "अनादर" केल्याचा आरोप करण्यात आला आहे. या याचिकेवर न्यायालयाने आज म्हणजेच २५ मार्च रोजी या प्रकरणाची सुनावणी ठेवली आहे. स्थानिक वकील यांनी मुझफ्फरपूरच्या अतिरिक्त मुख्य न्यायदंडाधिकारी (पश्चिम) यांच्या न्यायालयात ही याचिका दाखल केली आहे. याचिका दाखल केल्यानंतर पत्रकारांशी बोलताना वकिलाने सांगितले की, "मुख्यमंत्र्यांनी गेल्या गुरुवारी एका क्रीडा स्पर्धेच्या उद्घाटनादरम्यान केलेल्या वर्तनाने राज्याची बदनामी केली आहे. मुख्यमंत्र्यांविरुद्ध राष्ट्रीय सन्मानाचा अपमान प्रतिबंधक कायद्याच्या संबंधित कलमांखाली गुन्हा दाखल करण्याचे निर्देश पोलिसांना द्यावेत, अशी विनंती न्यायालयाला करण्यात येत आहे.

Edited By- Dhanashri Naik